March 18, 2022

مهراج گهنشام داس شرما

By sharmajelinks

ڪتاب سنڌ جي ڪوهستان جو تاريخي جائزو

ليکڪ : محمد بخش مشڪور ڦلڪارو

چونڊ روي شرما🙏 مهراج گهنشام داس شرما

هي اصل ڪوهستان جي سِري شهر جو هو، جيڪو پوءِ اُتان لڏي ٿاڻي بولا خان آيو، جتي هن گُرو منگل گُر شيوا منڊليءَ جو بنياد وڌو. هي موسيقي، نِرتڪ، ۽ ناٽڪ وِديا جو ڄاڻو هو. انهيءَ کان علاوه پاڻ ڳائڻ سان گڏ هارمونيم ۽ طَبلي وڄائڻ ۾ به پنهنجو مَٽُ پاڻ هو. هو بهترين هدايتڪار به هو، مختلف سماجي بُراين خلاف اسٽيج ڊراما به تيار ڪرايا هُئائين. هن اسٽيج ڊرامن ۽ ناٽڪن وسيلي، ماڻهن ۾ شعور پيدا ڪرڻ سان گڏ، نوجوانن ۾ انساني خدمتن جو وڏو اُتساهه پيدا ڪيو.هن هندو مُسلم ايڪتا سان گڏ فرسوده رسمن جي خلاف پڻ ڪيترائي اسٽيج ڊراما ۽ پروگرام ڪرايا. هن جي محنتن جي نتيجي ۾ ڪوهستان جتي تعليم نه هئڻ جي برابر آهي، اُتي هن جي ناٽڪ ۽ اسٽيج ڊرامن جي رُجحان پيدا ڪرڻ سان ڪوهستان جي تعليمي زيور کان وانجهيل ماڻهن ۾ به فرسوده رسمن ۽ مذهبي نفرتن خلاف شعور موجود آهي. ٿاڻي بولا خان ۾ هن جي وفات بعد به ناٽڪ منڊليون عوامي شعور پکيڙڻ ۾ پنهنجو ڪردار ادا ڪري رهيون آهن.