ڪر سنگت ساڌ جي
سرڳواسي مهاراج شري گهنشام داس شرما جي شاعري
سرڳواسي شري مھاراج گھنشام داس شرما جي شاعري
ڪري سنگت ساڌ جي
ضرور پاڻ بہ پڙھندا ۽ دوستن سان بہ شيئر ڪندا
ڪر سنگت ساڌ جي، ويھہ نہ ڪسنگين وٽ،
گهنشام جهٽ پٽ، هو ڪسنگي ڪارو ڪندا ـ
ڪر سنگت ساڌ جي ، ڪڍي کوٽ خيال،
مهاراج چڱا اعمال ، ڪر تہ قبول ٿين ـ
ڪر سنگت ساڌ جي، جو ميٽي ور ڌاتا انگ،
گھنشام ساڌن سنگ، ڪرين تہ ڪرتارٿ ٿين ـ
ڪر سنگت ساڌ جي، وشين ڏانھن نہ ور،
ٿي اوجل ۽ امر، ساڌن تون سنگ ڪري ـ
ڪر سنگت ساڌ جي، نڪي مايا اندر منجھہ،
گھنشام سائي سمجھہ جا آڌيسين اختيار ڪئي ـ
ڪر سنگت ساڌ جي، تون پل نہ ٿي پري،
گھنشام شيوا ڪري، سڦل مانش ديھہ ڪرـ
